Fyrirspurn um kaldavatnstank á Háuhlíð:

Í vettvangsferð fulltrúa G listans á dögnum kom í ljós að svo virðist sem ekki sé ennþá búið að taka í notkun vatnstankinn sem var byggður árið 2010.  Vinnusvæði er ófrágengð og blasir við sem alvarlegt umhverfislýti víða að í sveitinni.  Bygging þessa tanks var erfið fæðing, tímafrekt og dýrt.  Hver var heildarkostnaður við byggingu tanksins og hvenær er áætlað að hann verði tekinn í notkun?  Hver ber ábyrgð á því að málum er svo komið sem raun ber vitni?

Svar meirihluta:

Ljúka átti framkvæmdum við kaldavatnstankinn s.l. haust en m.a. af veðurfarslegum ástæðum stóðst það ekki.  Þá var heldur ekki búið að taka ákvörðun um hvernig farið væri með yfirfallið af tankinum.  Þegar sumra tók á ný var vinna við tankinn ekki sett í forgang þar sem ekki var um neyðarástand að ræða og starfsmenn hreppsins hafa gripið í það verk þegar ekki þurfti að sinna öðru sem var meira aðkallandi. Vatnstankurinn sjálfur  er tilbúinn en  eftir er að grafa fyrir yfirfalli og  tengja vatnslögnina í hann. Áætlað er að tankurinn verði tekinn í notkun allra næstu daga.
Ekki liggur fyrir endanlegur kostnaður vegna framkvæmda við nýjan kaldavatnstank sveitarfélagsins þar sem verkinu er ekki að fullu lokið. Tilboð Trésmiðjunnar Rein hljóðaði uppá kr. 24.336.023,- Þegar hafa verið greiddar  kr. 21.497.551,-
Það er með þetta verk eins og önnur á vegum sveitarfélagsins að ábyrgðin liggur hjá sveitarstjóra.
Ekki er hægt að fallast á þá fullyrðingu sem fram kemur í fyrirspurn G-listans að vinnusvæði umhverfis tankinn blasi við sem alvarlegt umhverfislýti víða að í sveitinni, hins vegar má sjá í malarbinginn sunnan við tankinn sé eftir því leitað.

Fyrirspurn um skólamál:

Hver er þróun nemendafjölda í grunnskóla, tónlistarskóla og leikskóla í Mývatnssveit frá árinu 2004 til 2011?  Hver er starfsmannafjöldi í sömu skólum þessi ár?  Hver er rekstarkostnaður við skólana þessu sömu ár í krónum og sem hlutfall af heildarráðstöfunafé sveitarfélagsins?

Svar meirihluta:

Þróun nemendafjölda í    grunnskóla           stöðugildi              tónlistarskóla       stöðugildi          
2004 - 2005                        82                       14,8690                  45/40                  2,6181                  
2005 - 2006                        75                       13,5089                  40/40                  2,5940
2006 - 2007                        74                       14,8423                  24/29                  1,5000
2007 - 2008                        70                       15,8960                  29/38                  1,7682
2008 - 2009                        58                       15,5539                  31/32                  1,9310
2009 - 2010                        47                       13,5550                  33/31                  1,8688
2010 - 2011                        48                       12,6828                  24/24                  1,5553
2011 - 2012                        43                       11,8776                                             1,5000

Þróun nemendafjölda í        leikskóla/barnagildi        stöðugildi             
2004 - 2005                          21                 24,3          3,0144                  
2005 - 2006                          17                 20,9          3,4475
2006 - 2007                          13                 16,1          3,2426
2007 - 2008                          11                 13,5          3,1468
2008 - 2009                          12                 15,4          3,0130
2009 - 2010                            8                   9,5          2,9120
2010 - 2011                          10                 11,6          4,2135
2011 - 2012                          15                 21,4          4,3063

Ár                       fræðslumál  millj.kr.         hlutfall af skatttekjum
2004                       97,767                          57,4%
2005                       97,243                          58,9%
2006                     101,854                          52,5%
2007                     109,361                          47,2%
2008                     120,369                          50,6%
2009                     126,492                          54,3%
2010                     125,609                          54,4%

Fyrirspurn um alþjóðlegt samstarf:

Á heimasíðu Skútustaðahrepps er lykkja inn á Christmas Cities sem mun vera einhverskonar alþjóðleg keðja borga/svæða um jólahald.  Hvað er Skútustaðahreppur búinn að taka lengi þátt í þessu samstarfi, hvað kostar það á ári og hver er fjárhagslegur og félagslegur ávinningur af starfinu? 

Svar meirihluta:

Við lokun Kísiliðjunnar 2004 lagði Iðnaðarráðuneytið f.h. ríkisins fram nokkurt fé til eflingar atvinnulífs í sveitarfélaginu. Upp úr því er lagt af stað með þróunarverkefni sem hét Snow Magic. Að því verkefni komu líka sveitarfélagið og Atvinnuþróunarfélag Þingeyinga ásamt þátttakendum frá Svíþjóð og Finnlandi. Verkefnishugmyndin var mótuð í umsókn um fjárhagsstuðning í Northern Periphery Programme (NPP) Norðurslóðaáætlun Evrópusambandsins. Markmið íslenska hlutans var að efla atvinnulíf í Mývatnssveit, sérstaklega yfir vetrartímann með áherslu á ferðaþjónustu og menningu. Formlega lauk Snow Magic verkefninu sem NPP verkefni haustið 2007 en út úr því spratt m.a. aðventusamstarfið Christmas City.  Það verkefni hefur verið starfrækt síðan 2006. Ekkert árgjald er greitt en greiddur ferðakostnaður fyrir tvo,  kr. 150-250 þús.  á sameignlegan fund einu sinni á ári og skiptast aðilar á um að halda fundinn.  Markmiðið hlýtur að vera að læra af örðum , víkka sjóndeildarhringinn og kynning á verkefninu og Mývatnssveit m.a. á ferðakaupstefnum sem viðkomandi aðilar sækja. Ekki er hægt að reikna út beinan  fjárhagslegan ávinning af þessu verkefni frekar en öðrum sambærilegum samstarfsverkefnum.