Laxá fellur úr Mývatni og rennur 59 km. til sjávar, hún er ein stærsta lindá landsins. Áin er með fegurstu og auðugustu veiðiám á Íslandi. Fiskisæld Laxár er grundvölluð á smádýrum sem lifa í ánni og fiskurinn étur. Í efri hluta Laxár, sem nær frá Mývatni og niður að Brúarfossum við Laxárvirkjun, veiðist aðeins urriði og er hún talin besta urriðaveiðiá landsins. Það koma margir ferðamenn að Laxá til að njóta náttúrufegurðar og stunda veiðar. Vatnsrennslið er mjög stöðugt og sést það vel á bökkum árinnar en þeir eru mjög vel grónir. Það eru margar fagrar eyjar og hólmar í ánni og eru margir þeirra vel grónir. Fuglalíf í Laxá er fjölskrúðugt og eru straumönd og húsönd þar sennilega frægastar.